- كابتن مروان الدالى رئيس قطاع الناشئات والبراعم بنادى سيراميكا كيلوباترا يفتح النار على حكم مباراة الاتحاد: «نسيت الكروت.. وأشهرت ورقة بيضاء بدل الإنذار!»
عزت مجدي
فتح الكابتن مروان الدالي، كابتن مروان الدالى رئيس قطاع الناشئات والبراعم بنادى سيراميكا كيلوباترا، النار على حكم مباراة الاتحاد، منتقدًا مستواها خلال اللقاء، ومشيرًا إلى عدد من الوقائع التي وصفها بأنها أثارت علامات استفهام كبيرة.
وقال الدالي: «للأسف، حكمة من الإسكندرية جايبينها تحكم مباراة الاتحاد على أرضه، أكيد تبقى قاصدة، زي ما كان باين إن انصاف الفرص كانت بتتحسب للاتحاد، وودنها مع المدير الفني للاتحاد المحترم.. هو يأمر وهي تنفذ».
وأضاف: «الحكمة كانت جاية قبل المباراة بوقت كافي، ونزلت سخنت، وبعدها دخلت غرفة الحكام هي والطاقم، علشان ينزلوا الملعب مرة أخرى متأخرين عن ميعاد المباراة، والمباراة اللي كان المفروض تبدأ الساعة 3:30 بدأت الساعة 3:47».
وتابع رئيس القطاع سيراميكا: «حكمة جاية مش عارفة قوانين اللعبة، ولا من قريب ولا من بعيد. والأغرب إنها جت مباراة رسمية من غير كروت، ولما احتاجت تدي لاعبة إنذار اتفاجأت إنها جايّة من غير البطاقات، فقامت مخرجة ورقة بيضاء بجلدة سودا وأعطت اللاعبة إنذار أبيض في أسود.. أول مرة أشوفها بصراحة».
وأردف: «ومش مدارية على نفسها، وقفت تنادي حاملة الراية وقالتلها: يا لهوي أنا نسيت الكروت، ومن بعدها خرجت بره المباراة تمامًا، ومبقتش عارفة تدي إنذارات ولا طرد علشان متكسفش نفسها».
واختتم مروان الدالي تصريحاته قائلًا: «بعد كل الفضايح دي، أكيد مفيش كلام يتقال غير إن علامات الاستفهام أصبحت كبيرة، بالإضافة إلى ضعف مستواها بشكل واضح جدًا.. لكن نقول إيه؟ حسبي الله ونعم الوكيل».
وحرص الدالي في ختام حديثه على توجيه التهنئة إلى فريق الاتحاد، قائلًا: «ألف مبروك لفريق الاتحاد المحترم، بقيادة مدير فني محترم ورئيس قطاع محترم وبنات مجتهدة، وبالتوفيق في اللي جاي».
عن المؤلف
