عزت مجدي
هدوء ظاهري يسبق عاصفة منتظرة داخل النادي الأهلي، بعد ما قرر أحد الموظفين المفصولين كسر الصمت والتوجه للقضاء عقب إجازة العيد، في أزمة بتكشف كواليس صادمة عن بيئة العمل خلف الكواليس.
القصة بدأت من أرض الملعب… شغل شاق ومجهود بدني قاسي، من شيل شماسي خرسانية لأعمال مرهقة خلّت الإصابات جزء من يومه العادي، وكل ده – حسب كلامه – كان بدافع الانتماء مش أكتر.
لكن المشهد اتغير فجأة…
ورقة إجازة مرضي “اختفت”، وتحولت القصة من حق مشروع لسلسلة اتهامات: جمع تبرعات، تشهير، تدخل في الإدارة… اتهامات بيأكد إنها “جاهزة ومتفصلة” علشان تبرر قرار إقصاءه.
الأخطر من كده، إن الأزمة – حسب روايته – خرجت من إطار الإداري للشخصي، بعد تعرضه لإهانات مباشرة، كان أبرزها:
“انت صعلوك متجيش جنب الملوك… هو مين دا وهيقارن نفسه بينا”،
إلى جانب تجاوزات لفظية أخرى من مسؤولين، في مشهد وصفه بأنه “كسر كل حاجة جواه قبل ما يفصله”.
الموظف ربط اللي حصل بنقطة واحدة:
“اتكلمت عن حقي”…
مرتبات، تأمينات اجتماعية، وحقوق شايف إنها كانت السبب الحقيقي في استهدافه.
