مجمع إعلام القاهرة يستعرض ترشيد استهلاك الطاقة وأثره على البيئة والصحة العامة للإنسان

علاء حمدي 

فى إطار توجهات الدولة المصرية للإهتمام بترشيد استهلاك الطاقة وأثره على البيئة المحيطة والصحه العامه للإنسان عقد اليوم مجمع إعلام القاهرة التابع للهيئة العامة للاستعلامات قطاع الإعلام الداخلي برعاية السفير…. علاء يوسف رئيس الهيئة العامة للاستعلامات وتوجيهات اللواء أ.ح… تامر شمس الدين رئيس قطاع الإعلام الداخلي وباشراف أ. ولاء علام مدير مجمع إعلام القاهرةندوة بعنوان ( ترشيد استهلاك الطاقة.. وأثره على البيئة و. الصحة العامه للإنسان .

وذلك بجمعية زهره الفؤاد باسبيكو وبحضور العميد/ وائل عبد العظيم – رئيس مجلس إدارة الجمعية وعدد من السيدات والعاملات بالجمعية أكد فيها دكتور / مزار أمام على مزار دكتور في علوم البيئة على أن ؛ الطاقة هي عصب الحياة الحديثة، لا غنى عنها في بيوتنا وشغلنا وتعليمنا. وأنها لها أثر كبير على البيئة لكن مع زيادة الاستهلاك العشوائي، اصبحنا نواجه تحديين كبار فاتورة بتزيد كل شهر، وبيئة بتدفع التمن.

فترشيد استهلاك الطاقة مش معناه إننا نحرم نفسنا من الراحة، لكن معناه إننا نستخدمها بوعي وذكاء. كل لمبة بنطفيها، وكل جهاز بنفصله، هو خطوة بسيطة بتوفر فلوسنا، وبتقلل الانبعاثات اللي بتضر الهواء اللي بنتنفسه والأرض اللي عايشين عليها

“ترشيد الطاقة مش رفاهية، ده واجب. لما نوفر في الكهرباء بنحمي جيبنا، وبنحمي كوكبنا من التلوث والاحتباس الحراري. كل كيلووات بنوفره هو نفس جديد للبيئة. كما استعرض سيادته انواع للتلوث البيئى وأثره على الصحة العامة 

وأكد على أهم السلوكيات البسيطة اللي توفر فى الطاقة وتساعد على إيجاد بيئة صحية 

– اطفي النور اللي مش محتاجه بعد الخروج من الحجرة

– افصل الفيشة الشاحن والتلفزيون والراوتر بيسحبوا كهرباء حتى وهم مطفيين. افصل الفيشة أو استخدم مشترك بزرار.

– *استخدم لمبات ليدبتستهلك 80% كهرباء أقل من اللمبة العادية وبتعيش 10 مرات أكتر.

– *اظبط التكييف على 24-25°كل درجة أقل بتزود الاستهلاك 6%. ومعاها شغل مروحة توزع الهوا.

– شغل الغسالة بكامل حمولتها دورة واحدة مليانة أوفر من دورتين نص كم، واستخدم المية الباردة.

– غطي الحلة وانت بتطبخ الأكل يستوي أسرع وتوفر 30% من غاز أو كهرباء البوتاجاز

– نضف فلتر التكييف كل شهرالفلتر المسدود يخلي التكييف يستهلك أكثر ويؤثر على البيئة 

هذه السلوكيات وان كنت تراها بسيطة إلا أنها كبيرة في مردودها على ميزانية الدولة والفرد وعلى البيئة والاحتباس الحرارى

الخلاصة بالأرقام لو كل بيت في مصر وفر 100 كيلووات في الشهر، هنوفر طاقة تكفي إنارة محافظة كاملة، ونمنع آلاف الأطنان من ثاني أكسيد الكربون كل سنة .

إعداد وتنفيذ : نادية أيوب عبدالله كبير إعلاميين مجمع إعلام القاهره تحت إشراف أ.ولاء علام مدير مجمع إعلام القاهرة .