كتبت: شهد محمد
كشف محمد سامي كواليس انتهاء مي عمر من تصوير آخر مشاهدها في مسلسل الست موناليزا، خاصة بعد وفاة والدها والذي رحل عن عالمنا خلال الأيام القليلة الماضية.
وكتب محمد سامي منشورًا على حسابه الخاص بموقع التواصل الاجتماعي فيسبوك قال فيه: النهاردة مى عمر خلصت تصوير مسلسل الست موناليزا، آخر كام يوم كانوا صعبين جدا لأنها صورت في عز ظروفها لأن المسلسل بيعرض على الهوا، بس صبرها وساعدها وجود رجالة أخواتها كانوا في ضهرها محاوطين عليها برجولة وجدعنة ودعم لا محدود، بداية من mbc مصر، المحترم أستاذ محمد عبد المتعال والأخ الشهم المحترم أستاذ محمد مصطفى والمنتج الراقي الطيب الخلوق اللي بيحب أبطاله وبيقدرهم وأستاذ حسن العسيري، وأجمل وأشطر اثنين منتجين طارق فهمي ومحمد عبد الوهاب اللي كانوا مموتين نفسهم عشان الست موناليزا يحقق النجاح اللي حققه بفضل ربنا وكرمه ويتصدر الترتيب سواء في مصر أو الوطن العربي، أنا بشكر الناس دي لأمانتهم وإخلاصهم وحبهم للناس اللي بتشتغل معاهم، سهل إنك تعمل مسلسل بس صعب إنك تبقى رقم واحد من أول يوم عرض لآخر يوم، بكلام موثق موجود على المنصة بريتنيج وترتيب واضح وشرعي ومعلن، مش كلام مطلق وعايم، الست موناليزا، رقم ١ من حلقة 1 إلى 14 وإن شاء الله هيقفل كده، لله الحمد والشكر لله.
